Erakusketaren bigarren edizioa ekaineko 6tik 8ra burutuko da BEC-en
Hainbat enpresa liderrek, esaterako Pepsico Manufacturing, Repsol, Enagas, Nuclenor, Galletas Artiach, DDF Derivados del Fluor, Air Liquide, Laboratorios Ximart, ABB, CNN La Naval, Altadis, Hidrocontrol, Bunge, Vidrala, ArcelorMittal, Red Eléctrica, EDP Naturgas, Acerinox, Bridgestone, Maessa, , Maxam, CLH, Petronor, Celulosas Moldeadas, Bombardier Transportation, Astilleros Balenciaga, Dragados, Técnicas del Agua Uren, Smurfit Kappa, Munksjo Paper, Agrozumos, Dow Chemical, Beissier, NSK, Campo Frío Food Group, Bahía de Bizkaia Gas, Unilever Foods Industrial, eta lehen mailako ingeniaritza-enpresek eta EPCak, hala nola, Técnicas Reunidas, Acciona Agua, Tamoin, Elecnor, Cadagua, Iberdrola Ingeniería y Construcción, Initec, Cobra eta Sener, dagoeneko izena eman dute datorren ekainean burutuko den Pumps & Valves Industria Prozesuetarako Ponpen, Balbulen eta Ekipamenduko Sistemen Nazioarteko Azokan parte hartu ahal izateko. Izena eman duten bisitarien artean barne daude hainbat alorretako enpresetatik datozen profesionalak: kimika, petrokimika, farmazia eta bioteknologiak, energia, kosmetika, metalak, meatzaritza, zementua, elikadura eta edariak, ur eta hondakinen tratamendua eta nekazaritza-industria.
Guzti horiei laguntza eskatu die Pumps & Valves azokako talde komertzialak jardunaldi teknikoetan jorratuko diren intereseko gaiak erabakitze aldera, alor hauetako enpresei beren behar nagusien inguruko analisi tekniko zehatza egin dezaten eskatuz. Inkesta hauetan sostengu gehien jaso duten edukiak honakoak izan dira: “Ponpen eta balbulen mantentze-lanak”, “Ponpa eta balbulen aurrerapenak diseinuan, materialen hautaketan, fabrikazioan eta korrosioaren aurkako babes-estalduretan”, “Elementu garrantzitsuenak ponpa bat aukeratzeko orduan: kasu praktikoak”, “Ponpa-sistemen aurrezpen energetikoa”, “Balbula aproposa hautatzea kostua murrizteko eta errendimendua handitzeko”, “Eragingailuak eta kontrolak. Teknologia digitalak. Mantentze-lan prediktiboa”, “Azken aldaketak balbulen arauetan eta fabrikatzaileentzako inplikazioak”, “Hodien segurtasuna hobetu balbulen mantentze-lan prebentibo egokiaren bitartez” eta “Monitorizazioa eta prozesuen kontrola”. Gai guzti hauek teknikoagoa izango den bigarren konferentzia-jardunaldian jorratuko dira. Lehenengo jardunaldia, berriz, epe ertainerako inbertsio-proiektuen aurkezpenen ingurukoa izango da ingeniaritza-enpresen eta EPCen eskutik.
Erakusketa-eremuari dagokionez, aipagarria da Busch Ibérica, Bvalve Flow Systems and Controls, ITC, Iwaki Europe, Leybold Hispánica, Metso España, Pekos Europe Group, Pompe Casali, Samoa Industrial, Sulzer Chemtech, Técnica de Fluidos eta Vorkauf-en moduko enpresek, besteak beste, dagoeneko erreserbatu dutela espazioaren %65. Erakusketa, jardunaldiak eta harreman profesionaletarako espazioak uztartzearen formulak emaitza bikainak eman zituen 2015ean eta hala adierazi zuen erakusketarien eta bisitarien gehiengo handiak erakusketaren amaieran egindako balorazioan.
Halaber, Pumps & Valves azokara bertaratzen diren bisitariek zuzeneko sarrera izango dute aldi berean Bilbao Exhibition Centre zentroan burutuko diren beste bost industria-deialdietara: Maintenance, Mantentze Industrialaren Azoka; Subcontratación, Fabrikaziorako Prozesuen eta Ekipamenduen Nazioarteko Azoka; Ferroforma, Burdineria, Brikolaje eta Hornidura Industrialaren Nazioarteko Azoka; ADDIT3D, Fabrikazio Aditiboko eta 3Dko Nazioarteko Azoka, eta Fitmaq, Aukerako eta Bigarren Eskuko Makineriaren Nazioarteko Azoka. Easyfairs eta Bilbao Exhibition Centre dira ekainaren 6tik 8ra bere bigarren edizioa biziko duen Pumps & Valves azokaren antolatzaileak.
Iruzkin bat utzi